අක්මාවේ තෙල් තැම්පත්වීම හෙවත් Fatty Liver සුව කර ගන්නා අයුරු.

1
68118

අද මම ඔයාලත් එක්ක කතා කරන්න හිතුවා අක්මාවේ තෙල් තැන්පත් වීම හෙවත් fatty liver සුව කරගන්න පුලුවන් ක්‍රම කිහිපයක් ගැන.

1.දිනකට අවම ලෙස මිනිත්තු 40 ක් හොදින් ඇවිදින්න නැතිනම් පිහිනීම ද ඉතා සුදුසු ව්‍යායාමයකි.

2.ගැඹුරු තෙලේ බදින ලද short eats වර්ග,තෙල් සහිත ආහාර, පාන් පිටි අහාර වර්ග, ක්ශනික අහාර හැකි තරම් අවම කරන්න.

3.හරක් මස්,ඌරුමස්, ඉස්සන්, දැල්ලන්, කකුලුවන්, පොකිරිස්සන්,වැනි ආහාර හැකි තරම් අවම කරන්න.

4.fried rice,කොත්තු,පරාට ,පාන්,ඉදි ආප්ප,වැනි පිටි සහිත ආහාර නිතර ගැනීමෙන් වලකින්න.

5.කිරි පිටි,මුදවපු කිරි,බටර්,මාගරින්,චීස් වැනි ආහාර හැකි තරම් අවම කරන්න.

6.හීං බෝවිටිය කොල  බෙහෙත් හීනැටි සහල් සමග කොල කැද,මොනර කුඩුම්බිය කොල කැද,යකිනාරන් කොල කැද අක්මාවේ තෙල් තැන් පත් වීම අඩු කිරීමට ඉතා  ගුණ දායකය.

7.ගොටුකොල, කරපිංච කොල කැද පානය කිරීමද ඉතා ප්‍රයෝජනවත්‍ වෙනවා.

8.ශාක තෙල් හො සත්ව තෙල් ආහාර පිසීම සදහා භාවිතය අවම කරන්න.

9.වෛද්‍ය උපදෙස් සහිතව සුදුසු මාත්‍රාව කින් ත්‍රිපලා පව්ඩර් හෝ ටැබ්ලට් පානය කරන්න.

10.රුධිර ගත කොලෙස්ටෙරෝල් මට්ටම පරීක්ශා කර එහි වැඩිවීමක් ඇතිනම් සුදුසු ආහාර පාලනයක් සහිතව දේශීය ඖෂධ භාවිත කරන්න.

11.වෛද්‍ය උපදෙස් මත ultrasound scan report, liver profile පරීක්ශා කර අක්මාවේ ස්වභාවය සහ ක්‍රියාකාරිත්වය පිලිබදව දැන ගන්න.

12.fatty liver අවස්තාවේ අවසාන ප්‍රතිපලය cirrhosis(සිරෝසිස්) බැවින් fatty Liver ඇති grade එක scan එකකින් සහ අක්මාවට හානී සිදු වී ඇතිද යන්න liver profile එකකින් දැන ගැනීම ඉතාම වැද ගත්ය.

13.ඇල්කොහොල් වර්ග භාවිතය සම්පූර්ණයෙන්ම නතර කර දමන්න.ඇල්කොහොල් අඩංගු බීම වර්ග භාවිතය අඩු කරන්න.

14.රුධිරයෙ කොලෙස්ටෙරෝල් මට්ටම වැඩි වී ඇති විට, විශේෂ හේතුවක් නොමැතිව උදය අවදි වන විට ඔබගේ පාදයේ වළලු කර ප්‍රදේශ ඉදිමී ඇති නම්, ඔබගේ මූත්‍ර වල වර්නය අදුරු පැහැයට හුරු නම්, ඔබට වෙනදාට වඩා වෙහෙස කාරි නම්, ඔබගේ අක්මාවා පරීක්ශා කර ගැනීම වටිනවා.

15.ඔබ දිර්ග කාලීනව මත් පැන් භාවිත කරයි නම්,දුම් වැටි භාවිත කරයි නම් ඔබ අක්මාවා පරීක්ශා කර ගත යුතුය.

16.ඔබ දීර්ග කාලිනව කිසියම් අසනීපයක් සදහා විශේශයෙන්ම දියවැඩියාව කොලෙස්ටෙරෝල් සදහා බටහිර ඖෂධ භාවිත කරයි නම් ඔබ අනිවාර්යයෙන් අක්මාව පරීක්ශා කිරීම වටිනවා.

17.ඔබ අති ස්ථූලතාවෙන් පෙලෙයි නම්, දියවැඩියාව, කොලෙස්ටෙරෝල්  සහිත නම් අනිවාර්යයෙන් අක්මාව පරීක්ශා කර ගත යුතුය.

18.ඔබට cirrhosis(සිරෝසිස්)වැනි රෝගී තත්වයක් හො fatty liver grade 2,3 මට්ටමේ ඇතිනම් ඇල්කොහොල් භාවිතය සම්පූර්ණයෙන් නතර කල යුතු වෙනවා.

ඉතින් යාලුවනේ අක්මාව කියන්නෙ ඔයාගේ ශරීරයේ කාර්යයන් 500 කට වඩා සිදු කරන ඉතාම වැදගත් ඉන්ද්‍රියක්.
ඔයාගේ වැරදි අහාර පුරුදු, නිද්‍රශීලී ජීවන රටාව,දීර්ග කාලීන බටහිර ඖශධ, දිය වැඩියාව, කොලෙස්ටෙරෝල් වැනි රෝගී තත්ව නිසා  එය රෝගී විය හැකියි. ඒක නිසා මන් කිව්ව දේවලුත් හිතේ තියාගෙන පරිස්සමි වෙන්න

1 COMMENT

LEAVE A REPLY

Please enter your comment!
Please enter your name here